Ölkəmizdə fəaliyyət göstərən ümumi təhsil müəssisələrində 16-30 iyun tarixlərində "Yay məktəbi” təşkil olunur.
Xeberle.com xəbər verir ki, Qubadlı rayon ümumi təhsil məktəblərində də iyunun 16-dan "Yay məktəbi” nə start verilib.
Qubadlı rayon Təhsil Şöbəsinin tabeliyində faəliyyət göstərən ümumi təhsil müəssisələrində müxtəlif siniflər üzrə ilk dərslər keçirilib. Şagirdlər məşğələlərinə açıq havada başlayıblar.
Xatırladaq ki, "Yay məktəbi” nə I-X sinif şagirdləri dəvət olunur. I-IV siniflərdə məşğələlər tədris dili, xarici dil, riyaziyyat fənlərinə verilir. V-X siniflərdə isə məşğələlər tədris dili, xarici dil, riyaziyyat fənləri və ümumi təhsil rəhbərliyinin qərarı ilə digər 3 fənə verilir. Həmçinin "Yay məktəbi” ərzində ekuskursiyalar, muzey dərsləri açıq havada məşğələlər və digər öyrədici fəaliyyətlərin də həyata keçirilməsi nəzərdə tutulub. "Rəqəmsal bacarıqlar” və "STEAM” layihələri tətbiq olunan məktəblrdə isə ustad dərslərin keçirilməsi nəzərdə tutulub.
Xəbərdən istifadə edərkən istinad etmək vacibdir.
