Xidmət Sahələri üzrə Sumqayıt Dövlət Peşə Təhsil Mərkəzində 1 saylı Ceyranbatan və 1 saylı Qobu orta məktəblərinin Peşə Təmayüllü siniflərinin şagirdləri üçün "Açıq Qapı Günü" elan edilib.
Xeberle.com xəbər verir ki, "Açıq Qapı Günü" Peşə Təmayüllü siniflərin "Dərzi köməkçisi" ixtisası üzrə təhsil şagirdlərinin qarşılıqlı Anlaşma Memorandumuna əsasən Mərkəzin tərəfdaş müəssisələrindən olan ALYANS TEKSTİL TİKİŞ FABRİKİNİN bazasına infoturu təşkil edilib. Tur zamanı PTS şagirdləri Xidmət Sahələri üzrə Sumqayıt Dövlət Peşə Təhsil Mərkəzinin tələbələrinin istehsalat təlimi dərsləri ilə yaxından tanış olublar.
Ötən həftə təşkil edilən turun məqsədi peşə təmayüllü siniflərin şagirdlərinə peşə təhsili və təlimi pilləsi, onun effektivliyi, bu təhsil pilləsi vasitəsi ilə əmək bazarına inteqrasiyanın əlçatanlığı haqqında məlumat vermək, Mərkəzin fəalliyyəti, burada tədris edilən ixtisaslar, peşəkar kadrlar, təlim-tədris prosesi və təcrübə proqramı ilə tanış etmək, məktəblərarası yoldaşlıq münasibətinin təməlini qoymaq və hər üç müəssisənin tələbə və şagirdlərini istehsalat ilə yaxından tanış etmək idi.
Xəbərdən istifadə edərkən istinad etmək vacibdir.
