Sumqayıt şəhəri 39 saylı tam orta məktəbdə 28 may Müstəqillik günü ilə bağlı "Şuşa, Sən azadsan” adlı tədbir keçirilib.
Məktəbin tərbiyə işləri üzrə direktor müavini Təranə Nəsirova və musiqi müəllimi Leyla Əliyevanın quruluş verdiyi tədbirdə əvvəlcə Vətən uğrunda canlarından keçmiş şəhidlərimizin xatirəsi bir dəqiqəlik sükutla yad edilib.
Tədbirdə məktəbin direktoru Bəxşeyiş Ələmşahov çıxış edərək şagirdlərə 44 günlük Vətən müharibəsində qazandığımız tarixi qələbəmiz haqqında məlumat verib, Şuşa şəhərinin, eləcə də digər yaşayış məntəqələrimizin düşmən tapdağından azad olunmasının tarixi zərurətindən, həmçinin əsgər və zabitlərimizin qəhrəmanlıqlarından bəhs edib.
Daha sonra məktəbin şagirdləri musiqili proqramlarla çıxış edib, eyni zamanda Vətən haqqında şeirlər söyləyiblər.
Məktəbin müəllimi Zeynalova Elnurənin sinif rəhbəri olduğu 8c sinfinin şagirdləri də fəallıq (qarmonda İsmayılov Röyal, sazda Məmmədov Səxavət və Böyükağa qardaşları çıxış edib, həmçinin Məmmədova Zəhra, Əzimova Məryəm, Əzimova Savad və İbrahimli Aidə hərbi-vətənpərvərlik mövzusunda şeirlər söyləyiblər) nümayiş etdiriblər.
Qeyd edək ki, tədbirdə məktəbin məzunu, Azərbaycan Respublikasının Prezidenti, Ali Baş Komandan İlham Əliyevin medallarla təltif etdiyi 2-ci Qarabağ müharibəsi veteranı, hazırda hərbi xidmətini davam etdirən zabitimiz Zeynalov Mürsəlin keçdiyi döyüş yolu da xatırlanıb.
Tədbirin rəsmi hissəsi kimi, bədii hissəsi də tamaşaçıların sürəkli alqışları ilə müşayiət olunub
Xəbərdən istifadə edərkən istinad etmək vacibdir.
