Qubadlı rayonu Xıdırlı kənd tam orta məktəbdə "Son zəng" tədbiri keçirilib -FOTOLAR

Tarix: 14-06-2022, 22:30 Oxunma sayı: 525 Bölmə: Təhsil

İyunun 14-də Qubadlı rayonu Xıdırlı kənd tam orta məktəbdə "Son zəng" tədbiri keçirilib.

Tədbirdə Qubadlı Rayon İcra Hakimiyyətinin başçısı Malik İsaqov, Şərqi Zəngəzur Regional Təhsil İdarəsinin müdiri Fuad Bədəlov, Azərbaycanın Milli Qəhrəmanı, Vətən müharibəsi şəhidi Şükür Həmidovun ailə üzvləri, məktəb rəhbərliyi, müəllimlər və məzunlar iştirak ediblər. Qeyd edək ki, Xıdırlı kənd tam orta məktəbin məzunlarından biri də Şükür Həmidovun övladıdır.

Tədbir Azərbaycan Respublikasının Dövlət Himninin səsləndirilməsi ilə başlayıb.

Tədbirdə Qubadlı Rayon İcra Hakimiyyətinin başçısı Malik İsaqov, Şərqi Zəngəzur Regional Təhsil İdarəsinin müdiri Fuad Bədəlov çıxış edərək məzunları təbrik edib, gələcək həyatlarında uğurlar arzulayıblar.