Demokratik Azərbaycan Dünyası Partiyasının (DADP) "1fikir” diskussiya klubu və Sumqayıt Dövlət Universitetinin "Ritorika Universal Klubu”nun təşkilatıçılığıyla dəyirmi masa formatında həyata keçirilən "Tarixi şəxsiyyətlərlə görüş” adlı silsilə proqramı yekunlaşıb. 
Xeberle.com moderator.az saytına istinadən xəbəbr verir ki, beş həftə ərzində keçirilən proqram çərçivəsində "Tarixi şəxsiyyətlərin tanıdılmasında KİV-in rolu effektivdir, yoxsa gənclər təşkilatlarının?”, "Babəklə görüş”, "Ana dilimiz və tarixi şəxsiyyətlər”, "Dəyərlərimiz və biz”, "Azərbaycanlı olmaq” mövzusunda müzakirələr aparılıb.
Proqramın sonunda müzakirələrdə xüsusilə fərqlənən gənclərə DADP sədri Əlisahib Hüseynov tərəfindən sertifikatlar təqdim edilib.
Qeyd edək ki, sözügedən proqram gənclərdə tarixi şəxsiyyətlərimiz haqqında doğru - düzgün təsəvvürlərin formalaşmasını, tariximizin təhrif edilməsinin qarşısının alınmasını, tariximizi təhrif etməyə çalışan bəzi anti-azərbaycançı qüvvələrin gənclərə tanıdılmasını nəzərdə tutmuşdu.
Silsilə müzakirələrin növbəti mərhələsi mart-aprel aylarında da davam etdiriləcək.