Sumqayıt şəhəri, Çerkassi küçəsindəki yoldan istifadə edən sürücülər yenilikdən şikayətçidirlər.
Məlumata görə Çerkassi küçəsindəki yolda olan bütün yağış barmaqlıqları çöküb, asfalt səviyyəsindən çox aşağıdadır.
Sürücülər bu yoldan keçərkən təhlükə ilə qarşılaşdıqlarını bildiriblər: "Nəqliyyat vasitəsilə keçəndə maşının altı dəyir”.
Sürücülər qeyd ediblər ki, maşının təkəri deformasiyaya uğrayır, Halbuki bu yola asfalt örtüyü yeni çəkilmişdi, nə tez çökdü? Bu yoldan gün ərzində minlərlə avtomobil keçir və ziyan görür. Çox bərbad gündədir yol, xahiş edirik ki, aidiyyəti qurumlar həmin yağış barmaqlıqlarını asfalt örtüyü ilə eyni, bərabər səviyyəsə təmir etsinlər.
Sumqayıt şəhər İcra Hakimiyyəti mövzu ilə bağlı bildirib ki, son illər şəhərdə yol infrastrukturunun inkişafı ilə bağlı mühüm layihələr həyata keçirilib.
Qeyd olunan problemin həll olunması istiqamətində də əhəmiyyətli işlər görülüb. Bir çox yollarda həmin problem aradan qaldırılıb. Həmin küçədə asfalt örtüyü yeni dəyişib. Mövcud "lüklər"in asfalt səviyyəsinə qaldırılması nəzərdə tutulub.(lent.az)
Xəbərdən istifadə edərkən istinad etmək vacibdir.
