Səməd Vurğun adına Sumqayıt şəhər Mərkəzləşdirilmiş Kitabxana Sisteminin 8 saylı uşaq kitabxana filialında Azərbaycanın tanınmış şahmatçısı, Şahmat Federasiyasının vitse-prezidenti Faiq Həsənovun 75 illik yubileyinə həsr olunmuş oxucular arasında şahmat yarışı keçirilib. Kitabxanaçı Sevda Məhəmmədova oxuculara şahmat oyununun yaranma tarixindən bəhs edib, Şahmat Federasiyasının vitse-prezidenti Faiq Həsənovun fəaliyyətindən danışıb. O, şahmatçının yubileyinə həsr edilmiş yarışın qaydaları haqqında məlumat verib.
Oxuculardan Nuranə Mayılova, Şahvələd Mayılov, Nihat Ələsgərov, Oruc Həsənov, İsa Məmmədov, Lamiyə Kərimova, Əyyub Abasquliyev və başqaları yarışda öz intellektlərini sınayıblar. Gərgin şəraitdə keçən mübarizədə bütün rəqiblərinə qalib gələn Lamiyə Kərimova yarışın qalibi olub.
Xeberle.com