Bir neçə gündür sürücülər tərəfindən Sumqayıt şəhər, 18-ci mikrorayon dairəsindəki dairəvi yolda dayanma-durma qaydalarının pozuntusu ilə əlaqədar cərimələndikləri ilə bağlı şikayətlər alırıq.
Sürücülərin sözlərinə görə, həmin ərazidə dayanma-durmanı qadağan edən yol nişanı yoxdur, lakin buna baxmayaraq onlar avtomobillərini həmin yolda saxladıqları üçün cərimələnirlər.
Məsələ ilə bağlı Xeberle.com-un suallarını cavablandıran nəqliyyat üzrə ekspert Eldəniz Cəfərov bildirib ki, avtomobilin yollarda dayanma və durması yol hərəkəti haqqında qanunun 52-ci maddəsi ilə tənzimlənir.
E. Cəfərov qeyd edib ki, bəzi yollarda dayanma və durmanı qadağan edən nişan olmasa belə, sürücü cərimələnə bilər.
"Əgər sürücülər əsassız cərimələndiklərini düşünürlərsə, elektron qaydada dövlət yol polisinə öz şikayətlərini bildirə bilərlər", - deyə ekspert vurğulayıb.
Aygün İsmayılova
Xəbərdən istifadə edərkən istinad etmək vacibdir.
