17 aprel 2015-ci il tarixində Sumqayıt Paralimpiya İdman Kompleksində keçirilən ali, orta ixtisas və texniki peşə liseylərinin tələbələri arasında pnevmatik silahdan güllə atıcılığı üzrə  Sumqayıt şəhər çempionatı keçirilmişdir. Tərkibi 2 oğlan və 1 qızdan ibarət olan komandalar arasında geden gərgin idman mübarizədən sonra qalib və mükafatçılar müəyyən olundu.

Kəbinə Baxışova, Afiyəddin Fərəczadə və Vüsal Məmmədovdan ibarət olan Sumqayıt Dövlət Texniki Kollecin komandası 76 xalla birinci, Sumqayıt Dövlət Universitetinin (68 xal) və 3 saylı Texniki Peşə Liseyinin (44 xal) komandaları isə müvafiq olaraq ikinci və üçüncü yerləri tutmuşlar.

Yarışda müvafiq yerləri tutan komandalar və idmançılara Gənclər və İdman Baş İdarəsi tərəfindən kubok və Fəxri fərman təqdim edilmişdir. (sumqayit.gen.az)