Sumqayıtda yataqxana günü-gündən çökür. Xeberle.com məlumat verir ki, 42-ci məhəllədə yerləşən 16 saylı yataqxananın sakinləri çətin vəziyyətdədirlər. Onlar binanın qəzalı olması ilə bağlı qərar verildiyini, lakin aidiyyəti qurumların maraqlanmadığını iddia edirlər.
110 mənzillik yataqxanada 130 ailə yaşayır. Vətəndaşlar dəfələrlə İcra Hakimiyyətində olublar, amma heç bir nəticə əldə edə bilməyiblər.
İcra Hakimiyyətindən məsələ ilə bağlı açıqlama verilib. Bildirilib ki, bütün yataqxanaların köçürülməsi ilə əlaqəli tədbirlər planı hazırlanır:
"Qəzalı vəziyyətdə olanlardan başlayaraq bütün yataqxanalardan sakinlər mərhələli şəkildə köçürüləcəklər. Müddətlə bağlı dəqiq söz demək hələ tezdir, çünki köçürülmə işlərinə plan hazır olduqdan sonra başlanılacaq”.(apa)
Xəbərdən istifadə edərkən istinad etmək vacibdir.
