Dünyanın bir çox ölkələrində avtomobilin dövlət nömrə nişanını qəsdən çirkli saxlamaqla və ya hər hansı metal əşya ilə cızmaqla görünməz hala gətirən sürücüləri cəza gözləyir. Bəs Azərbaycanda sürücülər üçün belə bir cəza mövcuddurmu?

“İnzibati Xətalar Məcəlləsinin 155.3-cü maddəsinə əsasən, nəqliyyat vasitəsini dövlət qeydiyyat nişansız və ya saxta nömrələrlə, yaxud qeyri-standart nömrələrlə idarə etməyə görə 60 manat məbləğində cərimə nəzərdə tutulur”. 

DİN Baş Dövlət Yol Polisi İdarəsi ictimaiyyətlə əlaqələr şöbəsinin rəisi Kamran ƏliyevModern.az-a açıqlamasında belə deyib. 

K. Əliyevinn  sözlərinə görə, bu inzibati xəta 4 balla qiymətləndirilir. “Eyni qaydada toy maşınlarında, məsələn, dövlət qeydiyyat nişanının yerinə özündən saxta nömrə, yaxud müəyyən yazılar yazıldıqda həmin qaydaya sürücüləri eyni cəza gözləyir. Avtomobilin çirkli olmasına görə məsuliyyət nəzərdə tutulmur. Ancaq dövlət qeydiyyat nişanının təmiz saxlanılmaması və çirkli saxlamaqla görünməz hala gətirildikdə həmin Məcəllənin 155.1 maddəsinə müvafiq olaraq 40 manat miqdarında cərimə nəzərdə tutulur. Lakin bu qayda pozuntusuna görə bal verilmir”.