Gənclərin İnkişaf və Karyera mərkəzinin Abşeron-Xızı regional nümayəndəliyi və Eland Tədris mərkəzinin birgə təşkilatçılığı ilə 29 oktyabr tarixində Sumqayıt şəhər Heydər Əliyev Mərkəzində Tedx formatında tədbir baş tutub.
Xeberle.com xəbər verir ki, 400 nəfərə yaxın gəncin iştirak etdiyi tədbirdə mütəxəssislər "Xarici dil qorxularını necə dəf etməli”, "xarici dildə danışmaq komplekslərindən necə azad olmalı”, "yeni dili effektiv öyrənmə metodları”, "fərdi şəkildə dil öyrənmək üçün platformalar” və s. haqqında ətraflı məlumat paylaşıblar, həmçinin Eland tədris mərkəzinin mütəxəssisləri gənclərin suallarını cavablandırıblar.
Tədbirdə gənclərlə yanaşı şəhərdə bu sahədə aktiv şəkildə çalışan bir çox qurumun nümayəndələri də iştirak edib.
Xəbərdən istifadə edərkən istinad etmək vacibdir.
