Xeberle.com xəbər verir ki, «Azərikimya» İstehsalat Birliyinin müəssisələrində növbəti şənbə iməciliyi keçirilib. İməcilikdə Etilen-polietilen zavodunun, Təmir-tikinti idarəsinin və Birliyin İdarəetmə aparatının ümumilıkdə 550 nəfər əməkdaşı iştirak edib
Aprel ayının son şənbə iməciliyi zamanı Etilen-polietilen zavodunun Qaz və maye karbohidrogenlərin qazlaşdırılması, sıxılması və saxlanılması sahəsinin bioremediasia üsulu ilə təmizlənmiş 4 hektar ərazisində 970 ədəd şərq çinarı, nar, melya, həmişəyaşıl sərv, şam, əncir, gilanar, badam və digər ağaclar əkilib.
İməcilik zamanı həmçinin Etilen-polietilen zavodunun istehsalat sahələrinin ərazilərində bir hektardan çox sahə alaq otlarından təmizlənib, əvvəlki iməciliklərdə əkilmiş ağaclara aqrotexniki qulluq göstərilib, dibləri bellənilmiş və ərazilərdə təmizlik-abadlıq işləri aparılıb.