Qərbi Azərbaycan İcması (QAİ) Sumqayıt nümayəndəliyi Gənclər Birliyi icmanın yeni üzvləri ilə görüş keçirib.
İcmanın Sumqayıt şəhər Nümayəndəliyindən Sumqayit.tv-yə verilən məlumata görə, görüş nümayəndəliyin ofisinin konfrans zalında baş tutub.
Görüşü giriş sözü ilə QAİ Sumqayıt nümayəndəliyinin rəhbəri Ramiz İsmayılov açıb. O yeni üzv olan gənclərə QAİ İdarə Heyyətinin sədri, millət vəkili Əziz Ələkbərlinin və özünün salamlarını çatdıraraq, onlara təəssübkeşlikləri üçün minnətdarlığını bildirib. İcmanın məramınaməsi və nizamnaməsi barədə məlumat verən R.İsmayılov bu işdə gənclərin rolunun əhəmiyyətinə xüsusi diqqət çəkib.
QAİ Sumqayıt nümyəndəliyi üzrə Gənclər Birliyinin sədri Elman Telmanoğlu yeni qoşulan gənclərə ölkə başçısı cənab İlham Əliyevin icma qarşısında qoyduğu "Qayıdış Konsepsiyası" barədə danışaraq, gənclərimizin çıxılan yolda əsas aparıcı qüvvə olduğunun vurğulayıb. E.Telmanoğlu gənclərə Qərbi Azərbaycanın tarixi bardə qısa məlumat verərək əlavə edib ki, bu işdə gənclərin fəallıq göstərib, prosesin önündə getməsi vacibdir. Xüsusən də media və social-media sahəsində fəallıq göstərməli, bu işdə ağsaqqaların da təcürbələrindən yararlanmağı tövsiyyə edib.
Gənclərdən İlkin Şirinov və digər iştirakçılar bildirib ki, özünü Qərbi Azərbaycanlı hesab edən hər bir gənc bu işdə bütün varlığı ilə çalışmalı, "Qayıdış Konsepsiyası”nın uğurla həyata keçrilməsinə əmək sərf etməli və dövlətimizin etimadını doğrultma üçün əməli addımlar atmalıdır.
Daha sonar iclasa qonaq qismində qatılan QAİ Sumqayıt nümayəndəliyinin idarə heyyətinin üzvləri Niyaz Süleymanov və Elçin Abdullayev gəncləri salamlayaraq onlara çıxdıqları yolda uğurlar diləyərək, tərkibin daha da genişləndirilməsini arzulayıblar.
Sonda gənclərin fəaliyyət istiqamətləri müzakirə olunub və, qərara alınıb ki, tərkib daha da genişləndirilməlidir.
Xəbərdən istifadə edərkən istinad etmək vacibdir.
