Azərbaycanın bəzi ərazilərinə qaz limitinin tətbiq olunması təklif olunub.
Xeberle.com məlumat verir ki, bunu Milli Məclisin bu gün keçirilən iclasında "Qaz təchizatı haqqında” qanu layihəsinə təklif olunan dəyişikliyin müzakirəsi zamanı deputat Siyavuş Novruzov deyib.
"Hesab edirəm ki, Naxçıvan Muxtar Respublikası, dağətəyi və dağlıq rayonlara yanaşma Aran və Mil-Muğan zonalarında fərqli olmalıdır. Bu rayonlarda qışın müddəti uzundur. Bəzən şaxtanın dərəcəsi mənfi 40-a qalxır. Şaxtalı havada istiliyə ehtiyac var. İstilikdən geniş istifadə etmək maddi tələbatdır. Bu baxımdan, blokada olmağını və digər məsələləri nəzərə alaraq Naxçıvana hansısa limitlərin tətbiq olunmasına ehtiyac var. Gələcəkdə komitə sədrlərinin bu məsələyə diqqət yetirməsini xahiş edirəm. Çalışmalıyıq ki, orada yaşayan insanların da istiliklə təminatı yüksək səviyyədə həyata keçsin".
Xəbərdən istifadə edərkən istinad etmək vacibdir.
