Bu gün Bakı-Türk-Anadolu liseyində türk yazar, Bakı Dövlət Universitetinin doktorantı Hayri Ataşın "Yalnızlık ömür boyu” kitabının təqdimatı keçirilib.

Müəllifin Bakı xatirələrindən bəhs edən kitab avtobioqrafik səciyyə daşıyır. Təqdimatda türk və azərbaycanlı oxucular, universitet və lisey müəllimləri, liseyin şagirdləri, jurnalistlər, həmçinin fiziki qüsurlu şəxslər də iştirak edib. Kitab "Son bolşevik necə öldürüldü?”,  "Ölüm var, ayrılıq var”, "Sevgilərdə... Xatirələrdə” kimi bir neçə bölmədən ibarətdir.

Təqdimatla bağlı fikirlərini bölüşən müəllif, təəssüf ki, kifayət qədər məbləğ toplanmadığını deyib və dəstək üçün kitabı müəyyən qurumlara da təqdim edəcəyini bildirib.

Qeyd edək ki, kitabdan əldə edilən gəlir Sumqayıt şəhərindəki "Qüsurlular evi”ndə olan fiziki qüsurlu şəxslərə əlil arabası almaq üçün istifadə olunacaq.  (axar.az)