Peşə Təhsil Mərkəzində qanvermə aksiyası keçirilib

Tarix: 28-02-2025, 11:00 Oxunma sayı: 187 Bölmə: Cəmiyyət

İqtisadi Zonaların İnkişafı Agentliyinin nəzdindəki Peşə Təhsil Mərkəzində qanvermə aksiyası keçirilib.

26 fevral 2025-ci il tarixində İqtisadi Zonaların İnkişafı Agentliyinin nəzdindəki Peşə Təhsil Mərkəzində qan xəstəliklərindən əziyyət çəkən uşaqlara yardım məqsədilə qanvermə aksiyası keçirilib. Aksiyada Peşə Təhsil Mərkəzinin əməkdaşları və müəllim-pedaqoji heyəti ilə yanaşı Mərkəzin tərəfdaşları olan "Azertexnolayn” MMC, "ATS Food" MMC, "Azərzireh-Neftqaz" MMC, "SOCAR Polymer" MMC, "GLASSICA” MMC və "Kartaş Kimya" MMC-nin əməkdaşları da fəal iştirak ediblər.

Milli Hematologiya və Transfuziologiya Mərkəzinin həkim-hematoloqları tərəfindən hər bir donorun sağlamlığı əvvəlcədən müəyyən edilərək, hərtərəfli tibbi müayinədən sonra donorlardan qan götürülüb. Yığılan qan ehtiyatı yoxlanılaraq talassemiya, eləcə də hemofiliya və digər qan xəstəliklərindən əziyyət çəkən uşaqlar üçün istifadə olunacaq.