Cons Hopkins Universitetinin (ABŞ) alimləri süni intellektin insanları əvəz etməyə qadir olub-olmadığı araşdırıblar.
Xeberle.com məlumat verir ki, bu barədə Cons Hopkins Universiteti (JHU) məlumat yayıb. Təhsil ocağı bununla bağlı araşdırma aparıblar.
Təcrübədə iştirakçılara insanların qarşılıqlı əlaqədə olması, bir-birinin yanında hərəkətlər etməsi və ya müstəqil hərəkət etməsini əks etdirən qısa videolar nümayiş etdirilib. Könüllülər baş verənləri müxtəlif sosial xüsusiyyətlərə görə qiymətləndiriblər. Eyni tapşırıqlar daha sonra 350-dən çox dil, video və qrafik AI (Artificial intelligence - Süni intellekt) modellərinə təqdim edilib.
Məlum olub ki, insanlar demək olar ki, həmişə eyni şərhlərə gəlirlər, AI isə yox. Video modellər insanların hərəkətlərini dəqiq təsvir edə bilmir və hətta bir sıra kadrları təhlil edən ən yaxşı görüntü modelləri belə insanların bir-biri ilə əlaqədə olub-olmadığını müəyyən etməkdə çətinlik çəkir.. Dil modelləri insan davranışını proqnozlaşdırmaqda daha yaxşı performans göstərir, video modellər isə beynin səhnəyə reaksiyasını daha yaxşı proqnozlaşdırır, lakin heç bir model insan səviyyəsində anlayışa yaxınlaşmayıb.
Alimlər hesab edirlər ki, problemin kökü neyron şəbəkələrinin strukturundadır: onlar beynin statik təsvirləri tanımaq üçün məsul olan sahəsinin strukturundan ilham alırlar, beynin digər hissəsi isə dinamik sosial səhnələrin qavranılmasına cavabdehdir.
Tədqiqatın həmmüəllifi Katie Garcia, "AI şəkillərdə üzləri və obyektləri görməyi öyrənib - bu, böyük bir addımdır. Amma real həyat şəkillər toplusu deyil. O, zamanla açılır və kontekst və dinamikanın başa düşülməsini tələb edir".
Bunun fonunda alimlər qənaətə gəliblər ki, insanlar hələ də süni intellektdən üstündür.
Xəbərdən istifadə edərkən istinad etmək vacibdir.
