Bəzi nazirlərin övladları bu il Azərbaycanda keçiriləcək parlament seçkilərində namizəd olacaq.
Bu haqda məlumatı "Yeni Müsavat” qəzeti yayıb. Qəzein yazdığına görə, hakimiyyətə yaxın mənbələr bildirib ki, bu seçkilərin də əvvəlki seçkiləri təkrarlayacağı gözlənilir: "Ehtimallar var ki, yalnız siyasi proseslərə təsiri olmayan iki-üç müxalifət siması mandat ala bilər. Amma bu da çox zəif ehtimaldır. Çünki bu parlament 2018-ci il prezident seçkilərində də fəaliyyətdə olacaq və belə həssas dönəmlərə hazır olmaq da lazım gəlir. Artıq o da dəqiqləşib ki, yola salınanların yerinə bəzi tanınmış nazir övladları oturacaqlar”.
Qəzet yazır ki, məlumatlara görə, nazirlər bu yolla övladlarının həm gələcəyini qarantiyaya almaq, həm də onları mətbuatın "caynağından” sığortalamaq istəyirlər: "Mandat daşıyan, eyni zamanda ayrı-ayrı dövlət qurumlarına, ali məktəblərə rəhbərlik edənlər də ciddi seçim etməli olacaqlar. Bildirildiyinə görə, ölkə rəhbərliyi rəhbər vəzifə tutanların mandat daşımayacağı barədə prinsipial qərarını açıqlayıb.
Ancaq bəzi istisnaların ola biləcəyi də ehtimal edilir. Parlamentin tərkibində üstün yerlərdən birini tutan iş adamı və biznesmenin deputatların da yeni tərkibə düşməsi çətin olacaq. Bu, son "oliqarxqeyt qalmaqalından” sonra daha inandırıcı görünür”. (qafqazinfo.az)
Xəbərdən istifadə edərkən istinad etmək vacibdir.
