Qusarda  “Şahin” Respublika hərbi-idman oyununu üzrə  zona birinciliyi keçirilib. Yarışda Sumqayıt şəhəri, Abşeron, Quba, Xaçmaz, Xızı, Siyəzən, Şabran və Qubadlı rayonlarının ümumtəhsil məktəblərinin X-XI sinif şagirdlərindən ibarət komandaları iştirak ediblər. Sumqayıt şəhərini Gənclər və İdman Baş İdarəsinin təşkilatçılığı ilə Azərbaycanın Milli Qəhrəmanı M.Quliyev adına 3 saylı tam orta məktəbin komandası təmsil edib. İdarədən “Xeberle.com”-a verilən məlumata görə zona birinciliyinin açılış mərasimində Azərbaycan Respublikası Gənclər və İdman Nazirliyinin Yaradıcı gənclərlə iş və asudə vaxtın təşkili sektorunun aparıcı məsləhətçisi Altay Paşayev, rayon Gənclər və İdman İdarəsinin rəisi Emin Əmirmətov, hərbi hissənin komandiri polkovnik-leytenant Oruc Abdullayev və digər şəxslər çıxış ediblər.

 Yarışın əsasnaməsinə müvafiq olaraq komandalar “Sıra hazırlığı”, “Tüfəngdən hədəfə atəş açmaq”, “Fiziki hazırlıq”,  “Darağa patronun doldurulması və boşaldılması”, “Avtomatın sökülməsi və yığılması”, “Sanitarların yarışı”, “Maneələrin dəf olunması” və “Müki müdafiə hazırlığı” mərhələləri üzrə bacarıqlarını nümayiş etdiriblər.

 Yarışın nəticələrinə əsasən I yerə layiq görülmüş Sumqayıt şəhərinin komandasına Gənclər və İdman Nazirliyinin Fəxri Fərmanı, rayon Gənclər və İdarəsinin və Təhsil Şöbəsinin hədiyyələrilə təltif edilib.  Sumqayıt şəhərinin komandası “Şahin” Respublika hərbi-idman oyununun cari ilin may ayında Cəmşid Naxıçıvanski adına Hərbi Liseydə keçiriləcək Final mərhələsində iştirak hüququ qazanıb