«Azərikimya» İstehsalat Birliyinin müəssisələrində növbəti şənbə iməciliyi keçirilib. İməcilikdə Etilen-polietilen zavodunun, Təmir-ti­kinti, Nəqliyyat və xüsusi texnika idarələrinin və Anbar təsərrüfatının 600-dən artıq işçisi iştirak edib.

Əsas qüvvələrini Etilen-polietilen zavodunun “Polimir-120” istehsalatının, Azot-oksi­gen qurğusunun, Qaz və maye karbohidrogenlərin qazlaşdırılması, sıxılması və saxlan­ması sexinin ərazisində yaşıllıq sahələrinin genişləndirilməsinə cəlb edən kimya­çılar iməcilik günü 800-dən artıq ağac əkiblər. 

İməcilik zamanı Birliyin müəssisə və idarə­lə­rinin daxili ərazilərində, həmçinin sənaye zonasının S.Vurğun küçəsi boyunca əvvəlki iməciliklərdə əkilmiş ağaclara aqrotexniki qulluq göstə­ril­ib, dibləri bellənilib, gövdələri əhənglənib və ərazilərdə təmizlik-abadlıq işləri aparıl­ıb.

Sum­qayıtın sənaye zonasında ekoloji mühitin yaxşılaşdırılmasına və yaşıllığın artırıl­ma­sı­na xidmət edən iməciliklərin növbəti şənbə günlərində də davam etdirilməsi nəzər­də tutulub.