Dörd azərbaycanlı milyarder “Forbes” jurnalının tərtib etdiyi ən varlı iş adamlarının siyahısına düşüb.
Jurnalda göstərilən Rusiyanın 2014-cü il üzrə ən varlı şəxslərinin sırasında Telman İsmayılov, Vahid Ələkbərov, Araz Ağalarov və İlham Rəhimov da var.
“Lukoyl” neft şirkətinin prezidenti Vahid Ələkbərov 13.6 milyard dollarla 7-ci yerdədir. “Krokus Siti”nin rəhbəri Araz Ağalarov 1,8 milyard dollarlıq sərvətlə 56-cı pillədə qərarlaşıb.
Türkiyədə yerləşən “Mardan Palace”nin sahibi Telman İsmayılov 0,75 milyard dollarla 137-ci yerdədir. Ötən iki il ərzində Rusiyanın ən varlı biznesmenlərinin yer aldığı siyahıya düşə bilməyən İlham Rəhimov isə 187-ci yerdə qərarlaşıb. Məlumat üçün bildirək ki, onun 0,5 milyard dollar sərvəti var.(interpress.az)
Xəbərdən istifadə edərkən istinad etmək vacibdir.
