Sumqayıt şəhər Təbiət Elmləri Təmayüllü Gimnaziyanın direktoru Nizami Əhmədov rəhbərlik etdiyi təhsil müəssisə ilə bağlı yayılan məlumatlara aydınlıq gətirib.

Xeberle.com   Liderxeber.com saytına istinadən məlumat verir ki, Sumqayıt şəhər Təbiət Elmləri Təmayüllü Gimnaziyanın direktoru Nizami Əhmədov  açıqlamasında bildirib ki, məktəbdə heç bir rüşvət yığılmır: "Mən bir daha bildirirəm ki, bizim məktəbdə heç bir rüşvət yığılmır. Siz bir maraqlanın, görün, məktəbimizin əvvəlki durumu nə halda idi, indiki vəziyyət necədir”.

 N. Əhmədov  belə məlumatların yayılmasında maraqlı şəxslərin olduğunu qeyd edib:  “Elə bu gözəlliyi gözü  götürməyən şəxslərdir ki, haqqımda anonim məktublar yazaraq, məni şərləyirlər. Düşmən hər zaman yaxınlıqda olur. Zənnimcə, bu məni bəyənməyən məktəb müəllimlərindəndir və mən bilirəm, bu məktubun arxasında kim durur. Əgər həmin insan belə düzdürsə, qoy açıq-aydın gəlib sözünü mənim üzümə desin. ”

 Xatırladaq ki, bir müddət öncə, "Şikayətçi Valideyn” adlı bir anonim vətəndaşdan  liderxeber.com saytına şikayət məktubu daxil olmuşdu. Məktubda Nizami Əhmədovun valideynlərdən rüşvət yığdığı qeyd olunurdu.