"Skype" proqramının tərtibatçılar komandası bəyan edib ki, qrup videozəngləri funksiyası ödənişsiz olacaq.

İlk öncə proqramın "Windows", "Linux" əməliyyat sistemləri və "Xbox One" konsolu üçün versiyalarında ödəniş ləğv ediləcək, daha sonra "Skype"ın mobil versiyalarında da videozənglər ödənişsiz olacaq.

"ICTnews" elektron xəbər xidməti "pitbit.ru" saytına istinadən bildirir ki,  əvvəllər "Skype"da qrup videozəngləri yalnız "Skype Premium" abunəsi olan istifadəçilər üçün əlçatan olub. Bu xidmətin haqqı isə gündəlik 4.99 və ya aylıq 8.99 dollar olub.