Festivalın rəsmi açılış mərasimində Şəki Şəhər İcra Hakimiyyətinin başçısı Elxan Usubov çıxış edərək beynəlxalq şirniyyat festivalının Azərbaycanın qədim və gözəl şəhərlərindən biri olan Şəkidə keçirilməsinin heç də təsadüfi olmadığını vurğulayıb. Bildirilib ki, böyük inkişaf yolu keçən Şəki xalqımızın mətbəx mədəniyyətinin formalaşmasına həlledici təsir göstərib. Şəkinin məşhur şirniyyatçılarının əldə etdiyi zəngin təcrübə, vərdiş, bilik və bacarıqlar bu günümüzə qədər gəlib çatıb. Qeyd olunub ki, Azərbaycanın ənənəvi şirniyyat sənətinin mərkəzləri arasında Şəki xüsusi yer tutur. Şəki şirniyyatı özünün əla, ləziz dadı və geniş çeşidi ilə fərqlənir. Şəkinin şirniyyat ustalarının hazırladıqları məhsullar xarici bazarlara da geniş yol açıb, bu şəhərin mətbəx mədəniyyətinin tanıdılmasında mühüm rol oynayıb. Vurğulanıb ki, bu gün Şəki özünün ipəyi, eyni zamanda, halvası, noğulu, mindalı və digər dadlı şirniyyatları ilə tanınır.

Şəki Şəhər İcra Hakimiyyətinin başçısı Elxan Usubov və Azərbaycan Milli Kulinariya Mərkəzinin direktoru Tahir Əmiraslanov
Azərbaycan Milli Kulinariya Mərkəzinin direktoru Tahir Əmiraslanov bildirib ki, belə festivalların keçirilməsində əsas məqsəd xalqımızın qeyri-maddi mədəni irsinin qorunub saxlanmasına nail olmaqdır. Vurğulanıb ki, bu festival təkcə Şəkinin deyil, ölkəmizin zəngin mətbəx mədəniyyətinin daha yaxından tanıdılmasında əhəmiyyətli rol oynayacaq.

Rusiya stendi 
Mərasimdə Fransanın Azərbaycandakı səfiri Paskal Mönye, iştirakçı ölkələrin təmsilçiləri çıxış edərək belə festivalların xalqlar arasında dostluğu, sülhü təbliğ etdiyini xüsusi vurğulayıblar.

Tahir Əmiraslanov sərginin açılışında çıxış edir
Sonra tədbir iştirakçıları xarici ölkələrdən, həmçinin Azərbaycanın şəhər və rayonlarından gəlmiş qənnadıçıların əvvəlcədən hazırladıqları şirniyyat məhsulları ilə tanış olublar. İştirakçı ölkələrin milli mətbəxlərinə aid şirniyyat nümunələri, həmçinin Azərbaycan qənnadıçılarının hazırladıqları paxlava, fəsəlli, qatlama, noğul və müxtəlif halvalar tədbir iştirakçıları tərəfindən böyük maraqla qarşılanıb.

Sərgidə Tahir Əmiraslanov plaketlə təltif olunub
Şəki qənnadıçıları festivalda Şəki halvası, paxlava, qoz və fındıq mindalı, barama şirni, noğul, bamiyə, qırmabadam və geniş çeşiddə digər milli şirniyyat nümunələrini sərgiləyiblər.

Zaqatala stendi 
Korkunov adına "Moskva şokolad məktəbi”nin rəhbəri Yelena Suçkovanın sədrlik etdiyi 23 nəfərdən ibarət münsiflər heyətinin rəyinə əsasən, respublikamızın təmsilçiləri arasında Gəncə şəhərinin şirniyyatçıları birinci yeri tutublar. Şəki və Zaqatala qənnadıçıları ikinci, Ağdaş, Göyçay, Oğuz rayonları və Naftalan şəhərinin təmsilçiləri isə üçüncü yerə layiq görülüblər.

Türkiyə stendi
İştirakçı ölkələr arasında Rumıniya, Qazaxıstan və Fransa təmsilçiləri birinci yeri tutaraq festivalın qızıl medallarına və Azərbaycan Milli Kulinariya Mərkəzinin kubokuna sahib çıxıblar. İkinçi yeri Serbiya və Rusiya təmsilçiləri, üçüncü yeri isə Moldova, Qırğızıstan və Şimali Kipr Türk Cümhuriyyətinin qənnadıçıları tutublar.

İndoneziya stendi
Şirniyyat sexləri arasında isə Şəkinin "Ələhməd şirniyyat evi” birinci yerə layiq görülüb.

Tahir Əmiraslanov Rusiya stendində
Bundan əlavə, Azərbaycan Milli Kulinariya Mərkəzi tərəfindən Şəki şəhəri Azərbaycanın ənənəvi şirniyyat paytaxtı elan edilib və bununla bağlı diplom şəhər rəhbərliyinə təqdim olunub.


Festivalda Şəkinin musiqi kollektivləri rəngarəng konsert proqramı ilə çıxış ediblər.

Moldova stendi

Qazax stendi

Serbiya stendi

Şəmkir stendi
Beləliklə, qədim Şəki şəhərində daha bir beynəlxalq festival uğurla başa çatıb.

Ürək formalı Şəki halvası

Ay-Ulduz formalı Şəki halvası

Şamaxı stendi

Buta formalı Şəki halvası

Zaqatala şirniyyatı   
(anspress.com)

Xəbərdən istifadə edərkən istinad etmək vacibdir.