“Demokratik Gənclər” İctimai Birliyi Azərbaycan Respublikası Gənclər və İdman Nazirliyinin və Avropa Komissiyasının dəstəyi ilə aprel ayının 25-dən etibarən “Fərqli Dəyərlər” adlı layihəsinə Bakı şəhərində icrasına başlayıb.

 Layihəyə 8 ölkədən (Azərbaycan, Gürcüstan, Türkiyə, Moldova, Çexiya, Fransa, Ukrayna və Litva) 24 nəfər iştirakçı cəlb olunub. Layihənin əsas məqsədi mədəniyyətlərarası dialoqun formalaşdırılması və ayrı ayrı mədəniyyətlərin tanıtımıdır.

 “Gənclər fəaliyyətdə” proqramı Avropa Komissiyasının 2007-2013-cü illərini əhatə edən rəsmi gənclər proqramıdır.

 Proqram çərçivəsində Azərbaycan gənclər təşkilatları Avropa İnstitutları ilə əməkdaşlıq edir və Avropa gənclər siyasətində yaxından iştirak edir. Bu proqram çərçivəsində Azərbaycan gəncləri həm ölkə daxili, həm də ölkə xarici layihələr həyata keçirir, hətta müxtəlif ölkələrdə layihələrin təşkilatçısı da ola bilərlər.