Zaqatalada 7 aylıq körpənin boğazında nar dənəsi qalıb. Hadisə rayonun Qımır kəndində baş verib. 

Belə ki, 7 aylıq körpə olan Ruqiyə Elnur qızı Məmmədova naməlum şəraitdə nar dənəsini yeyib və nar dənəsi onun tənəffüs yollarını bağlayıb. 

Xəstə dərhal Zaqatala Rayon Mərkəzi Xəstəxanasına çatdırılıb. Xəstəyə ağır tənəffüs çatışmazlığı diaqnozu qoyulub və vəziyyəti ağır olduğundan Şəki Rayon Mərkəzi Xəstəxanasına təxliyə olunub. 

Şəki Rayon Mərkəzi Xəstəxanasından verilən məlumata görə, uşağın vəziyyəti ağır olduğundan Bakıya göndərilib və xəstə yolda ölüb. 

Xəstənin yaxın qohumu Həsən Ramazanov  bildirb ki, Zaqatala Rayon Mərkəzi Xəstəxanasından körpənin Bakıya aparılması üçün təcili tibbi yardım maşını verilməyib.(report)