May ayının 1-dən avtomobillərdə yan şüşələrə sənaye üsulu ilə hazırlanan, yəni görüntünü məhdudlaşdırmayan pərdə və jalüzlərdən istifadəyə qoyulan müvəqqəti qadağa götürülsə də, nədənsə bəzi sürücülər kustar üsulla hazırlanan vasitələrə üstünlük verir.

Yol polisinin Sumqayıtda keçirdiyi reyd zamanı bu qaydanı pozan xeyli sürücü aşkarlandı. Özünə  haqq qazandırmağa çalışan bəzi sürücülər görüntünü məhtudlaşdıran pərdədən istifadə etmədiyini desə də, fakt ortadaydı. İnspektor Nizami Yusifov deyir ki, keçən il yol hərəkət qaydaları haqında qanunda dəyişiklik edilmişdi:

 "May ayının 1-dən noyabrın 15-dək avtomaşınların arxa qapilarına sənaye üsulu ilə hazırlanmış pərdələrə, jalüzlərə icazə verilmişdi. Lakin bəzi sürücülər bundan istifadə edərək avtomaşınlıarın arxa qapılarının şüşələrinə qeyri-sənaye kustar üsulu ilə düzəlmiş pərdələrdən istifadə edərək tətbiq edir. Reydimizin məqsədi həmin sürücüləri müəyyən edib inzibati məsuliyyətə cəlb etməkdir".

Qeyd edək ki, reyd zamanı avtomobili dövlət nömrə nişansız idarə edən, təhlükəsizlik kəmərindən istifadə etmiyən, yol hərəkət qaydalarını pozan sürücülərə də rast gəlindi.(atvxeber.az)