Sərhəddi qanunsuz keçməyə çalışan bir qrup sərhədçilərimizə silahlı müqavimət göstərib.
Azərbaycan-İran sərhəddində siahlı indisent olub. Daxili İşlər Nazirliyinin mətbuat xidmətidən ANS PRESS-ə verilən məlumata görə, bir qrup şəxsin Azərbaycan Respublikasının dövlət sərhədini qanunsuz olaraq keçməsinin qarşısı alınıb.

Qanunsuzluğun qarşısı Baş Narkotiklərlə Mübarizə İdarəsinin Cənub Bölgəsində Regional Şöbəsi və Dövlət Sərhəd Xidmətinin Göytəpə Sərhəd Dəstəsinin əməkdaşları tərəfindən Cəlilabad rayonu ərazisində keçirilmiş əməliyyat-axtarış tədbirləri nəticəsində alınıb.

Əməliyyata nəticəsində İran İslam Respublikasından Azərbaycan Respublikasının dövlət sərhədini qanunsuz olaraq keçməyə cəhd göstərmiş bir qrup şəxsin qarşısı alınmış, onlar silahlı müqavimət göstərərək geri çəkiliblər.

Hadisə yerinə baxış zamanı 4 kiloqram 425 qram tiryək aşkar edilərək götürülüb.


Azərbaycan - İran sərhədi


Xatırladaq ki, bu Azərbaycan-İran sərhəddində baş verən ilk hal deyil. İki il öncə Azərbaycan-İran sərhəddinin Lənkəran Sərhəd Dəstəsinin xidməti ərazisində baş verən silahlı insident zamanı ölən və yaralananlar da olmuşdu.

Daha öncə də Azərbaycan sərhədçilərinin əmrinə tabe olmayan İran vətəndaşları silahlı müqavimət göstərib, sərhəd naryadına atəş açıblar.