İranda çəkilişinə yeddi il bundan əvvəl başlanılan "Məhəmməd Allahın Elçisi" filminin bəzi səhnələri təqdim edilib.
SalamNews-un "FarsNews"-a istinadla verdiyi xəbərə görə bu film cari ayın 25-də rəsmi şəkildə ekranlara çıxarılacaq.
Filmin təqdim edilmiş bəzi səhnələrində həzrət Məhəmməd(s) peyğəmbərin uşaqlıq illəri və çəkiliş zamanı pərdəarxası bəzi kadrlar nümayiş etdirilib.
Qeyd edək ki, Məcid Məcidinin rejissorluğu ilə çəkilən filmin baş operatoru "Oskar" mükafatına layiq görülmüş italiyalı Vittorio Storaro, bəstəkarı daha bir "Oskar" laureatı hindistanlı Allah-Raxa Rəhmandır.
Bir çox kinematoqraflar bu filmin təkcə islam dünyasında deyil, xristian dünyasında da böyük əks-səda doğuracağını söyləyirlər.

Xəbərdən istifadə edərkən istinad etmək vacibdir.