2013-cü ilin rəsmi statistikasına əsasən, Azərbaycanda narkomaniya
xəstəliyinə düçar olmuş şəxslərin ümumi sayı 28 376 nəfər olub. Səhiyyə
Nazirliyinin mətbuat xidmətindən verilən məlumata görə, onlardan 4 nəfər 15-17 yaş arasında, 1324 nəfər
(20 nəfəri qadın) 18-24 yaş arasında, 3850 nəfər 25-29 yaş arasında
(onlardan 43 nəfəri qadın) şəxslər təşkil edib. Ötən il isə
narkomaniyaya düçar olmuş şəxslərin ümumi sayı 28 656 nəfər olub.
Onlardan 15-17 yaş arasında olan şəxslər 5 nəfər, 18-24 yaş arasında
1403 nəfər, 25-29 yaş arasında olan şəxslər 3999 nəfər təşkil edib.
2014-cü ilin rəsmi statistik hesabatında toksikomanların ümumi sayı 152 nəfərdir.
Narkotik vasitələrin insan orqanizminə məhvedici təsirini, narkotik
vasitələrdən istifadənin sosial nəticələri, erkən müalicənin labüdlüyü
və mümkünlüyü, həmçinin narkomaniya probleminin hüquqi aspektləri ilə
bağlı məsələlər məqsədilə Respublika Narkoloji Mərkəzinin bazasında
2014-cü ilin oktyabr-noyabr aylarında Bakı şəhərində orta ümumtəhsil
məktəblərdə çalışan həkimlər və orta tibb bacıları üçün gənclər,
yeniyetmələr və uşaqlar arasında narkomaniyanın qarşısını alınması, bu
istiqamətdə profilaktik tədbirlərin görülməsi məqsədilə təlim kursları
keçirilib. 2 həftə davam edən kurslarda Narkoloji Mərkəzin rəhbərliyi və
tibbi personalı ilə yanaşı, Narkomanlığa və Narkotik Vasitələrin
Qanunsuz Dövriyyəsinə Qarşı Mübarizə üzrə Dövlət Komissiyasının işçi
qrupunun, Ailə, Qadın və Uşaq Problemləri üzrə Dövlət komitəsinin
nümayəndələri də iştirak ediblər. Təlim kurslarında narkomaniya
problemlərinə aid prezentasiyalar təqdim olunub və mövzuları ətrafında
müzakirələr aparılıb. Kursun sonunda iştirakçı olan bütün orta məktəb
həkimlərinə və tibb bacılarına sertifikat təqdim olunub.(lent.az)
Xəbərdən istifadə edərkən istinad etmək vacibdir.
