Az əvvəl məlumat verərək bildirmişdik ki, hakimiyyətin yuxarı instansiyaları tərəfindən bir neçə rayonun icra hakimiyyəti başçısına işlərində yol verdikləri nöqsanlar səbəbindən xəbərdarlıq edilib.

 Bir az əvvəl isə DİA.AZ redaksiyasına xəbərdarlıq alan icra başçılarının siyahısı göndərilib. Həmin siyahını təqdim edirik:

 1. Ağsu rayon icra hakimiyyətinin başçısı Ənvər Seyidəliyev;

2. Bərdə rayon icra hakimiyyətinin başçısı Vidadi İsayev;

3. Gədəbəy rayon icra hakimiyyətinin başçısı Ramiz Yediyarov;

4. Şamaxı rayon icra hakimiyyətinin başçısı Asif Ağayev;

5. Lerik rayon icra hakimiyyətinin başçısı Rövşən Bağırov;

6. Suraxanı rayon icra hakimiyyətinin başçısı İlqar Abbasov;

7. Yasamal rayon icra hakimiyyətinin başçısı İbrahim Mehdiyev;

8. Sabunçu rayon icra hakimiyyətinin başçısı Adil Vəliyev;

9. Xətai rayon icra hakimiyyətinin başçısı Razim Məmmədov;

10. Şəmkir rayon icra hakimiyyətinin başçısı Nazim Veysov;

11. Abşeron rayon icra hakimiyyətinin başçısı Zakir Fərəcov;

12. Goranboy rayon icra hakimiyyətinin başçısı Nizaməddin Quliyev.

 Məlumatı verən mənbə iddia edir ki, müvafiq dövlət qurumları tərəfindən həyata keçirilən məxfi araşdırmalar nəticəsində yuxarıda qeyd olunan rayon icra hakimiyyəti başçılarının yarıtmaz fəaliyyəti hakimiyyətə qarşı yerlərdə böyük narazılıqlara səbəb olmaqdadır. Bu baxımdan icra başçılarına ayaqlarını dəng atmaları barədə sərt xəbərdarlıq edilib.

 Xatırladaq ki, bir neçə gün əvvəl Prezident Administrasiyasının rəsmiləri də daha çox şikayət olunan rayonlarla bağlı bir hesabatı açıqlamışdılar.