Bakıda bu ilin 4 ayı ərzində 39 piyada ölüb.

Paytaxtda baş verən dəhşətli yol qəzalarının görüntülərinin dəfələrlə mətbuatda yayılmasına baxmayaraq piyada və sürücü məsuliyyətsizliyi səngimək bilmir.

Oxu.Az xəbər verir ki, aparıcı Tural Yusifov valideynlərin məsuliyyətsizliyini əks etdirən növbəti görüntüləri paylaşıb.

Görüntülərdə valideynlərin öz uşaqlarının həyatını necə təhlükəyə atması əks edilir. Məsuliyyətsiz valideynlər uşaqları ilə birgə yolu nəzərdə tutulmamış yerlərdən keçirlər, təhlükəsizlik qaydalarını unudub özlərinin və övladlarının həyatını riskə atırlar.

Qeyd edək ki, bu ilin təkcə birinci rübü ərzində ölkə üzrə piyadaların vurulması ilə bağlı baş vermiş yol qəza hadisələri nəticəsində 86 nəfər ölüb, 152 nəfər isə xəsarət alıb. Paytaxt Bakıda isə bu ilin 4 ayı ərzində baş verən 169 yol qəzası nəticəsində 39 piyada ölüb.