Saxta sement istehsal edən müəssisəyə qarşı iş qaldırıldı

 İqtisadiyyat və Sənaye Nazirliyi  Bakı və Sumqayıtda tikinti materialları bazarında yoxlamalara başlayıb.

 Bu barədə virtualaz.org saytına nazirlikdən məlumat veriblər.

 Xəbərdə deyilir ki, Sumqayıt şəhəri, Bakı-Quba yolunun üstündəki tikinti materialları bazarı yoxlanılıb.

 Həmin ərazidə yerləşən “VAT” MMC-yə məxsus istehsalat sahəsində aparılan yoxlama zamanı markalanmasında düzgün olmayan məlumatlar verilməklə istehlakçıların aldadılması faktı aşkarlanıb. Belə ki, müəssisədə 400 markalı saxta sementlər istehsal edildiyi müəyyən edilib. Yoxlama zamanı bu sementlərin müvafiq sertifikat olmadan istehsal edildiyi və onların markalanmasında məhsulların sertifikatlaşdırıldığı barədə istehlakçılara yanlış məlumat verildiyi də bəlli olub.

 Yol verilən qanun pozuntusu ilə əlaqədar “VAT” MMC barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.