Qadir İbrahimli: “Bakının statusu və yerli orqanların səlahiyyətləri müəyyənləşmədikcə bu problemlər  həmişə aktaul olaraq qalacaqdır”

“Paytaxtda sərnişin daşıma işi olduqca çətin bir sistemdir. Burada cavabdeh qurumları müəyyənləşdirmək mümkün deyil. Belə ki, bununla bağlı həm Bakı şəhər  İcra  Hakiməyyətinin Nəqliyyat Departameti, həm də ki, Nəqliyyat  Nazirliyi məşğul olur.”

Bu sözləri Xeberle.com saytına iqtisadçı-ekspert Qadir İbrahimli paytaxt Bakıda sərnişin daşıma sahəsində yaşanan neqativ hallarla bağlı açıqlama verərkən qeyd edib. 

   Müsahibin sözlərinə görə, ölkədə sərnişin daşımanın prinsipləri müəyyənləşdirilməlidir: “Bununla bağlı xüsusi standartlar hazırlanmalıdır. Xarici təcrübədə sərnişin daşımanı həyata keçirən şirkətlər xüsusi kriteriyalardan keçirlər. Eyni halda dünyanın inkişaf etmiş ölkələrində bu təcrübənin iki forması var. Birincisi budur ki,  bu işlə  media məşğul olur və marşurutlara xüsusi tenderlər keçirir. İrəli sürülən tələb təkliflərə əsasən sərnişin daşıma sahəsi tənzimlənir.” 

İkinci təcrübə forması barədə də məlumat verən ekspert bildirdi ki, bunun üçün avtobuslar bələdiyyənin mülkiyyətinə verilir və bələdiyyələr işi nəzarətlərinə götürürlər: “Deyilən formatların heç biri Azərbaycanda qəbul olunmayıb. Sadəcə bu sahədə ciddi şəkildə dövlət manopoliyası var. Nəticədə nəqliyyat daşıma sahəsində hər dəfə ciddi problemlərlə üzləşirik.”

Qadir bəy sonda bildirdi ki, nəqliyyatdaşıma sahəsində yarana problemlərdə Nəqliyyat Departamentinin payı da az deyil: “Düşünürəm ki, bu idarəçiliklə bağlı bir problemdir. Onu da qeyd edim ki, Bakının statusu və yerli orqanların səlahiyyətləri müəyyənləşmədikcə bu problemlər  həmişə aktaul olaraq qalacaqdır.”

Xeberle.com

Xəyal Şükür