Suriyada güllə aldığı deyilən məşhur aparıcı Xoşqədəm Hidayətqızından yeni xəbər var. 

ANS PRESS-in məlumatına görə, "Üç nöqtə" qəzetinin redaktoru Elməddin Muradlı aparıcıdan telefonla ismarış alıb. İsmarışda Xoşqədəm Hidayətqızı "heç bir problem yoxdur" sözləri yazıb. 

Qeyd edək ki, "Səni axtarıram" verilişinin aparıcısı Xoşqədəm Hidayətqızının bir qədər əvvəl vurulmasının təfərrüatları məlum olub. 

ATV-nin redaktoru Vüqar Bektaşın ANS PRESS-ə verdiyi məlumata görə, verilişin çəkiliş qrupunun avtomaşını Suriyanın Hələb şəhərində atəşə tutulub. 

Atəşdən sonra əməkdaşlar maşından qaçıb çıxmağa müvəffəq olublar. Bundan sonra avtomaşın partlayıb. Hazırda Xoşqədəm Hidayətqızı ilə telefon əlaqəsi kəsilib.