Baş leytenant Məmmədov əsgərlərinin mühasirəyə düşməsinə imkan verməyib.

Şəhidlər Xiyabanında dəfn olunublar.

Muxtar Cahid oğlu Qasımov 1958-ci il yanvarın 10-da Beyləqan rayonu Kəbirli kəndində anadan olub, uşaq axtı ailəsi ilə birlikdə ata-baba yurdları olan Ağdama köçüb. 

O, Xankəndidə həkim kimi çalışıb, müharibə başlayandan Ağdam hərbi hospitalında xidmət göstərib, Naxçıvanik, Aranzəmin, Pircamal, Ağbulaq döyüşlərində hərbi həkim kimi iştirak edib, 1992-ci il iyunun 16-da Naxçıvanik kəndi uğrunda gedən döyüşdə qəhrəmanlıqla həlak olub. 1993-cü il fevralın 5-də Milli Qəhrəman adına layiq görülüb.

Bakı şəhərində Şəhidlər Xiyabanında dəfn edilib.

Eldar Harun oğlu Məmmədov 1968-ci il yanvarın 10-da Bakı şəhərində anadan olub. O, Bakıda C.Naxçıvanski adına Hərbi Məktəbi, Riqada Ali Hərbi-Siyasi Məktəbi bitirib, SSRİ-nin müxtəlif yerlərində xidmət edib, Qarabağ müharibəsi başlayanda baş leytenant Vətənə qayıdıb, Ağdərə, istiqamətində şücaətlə vuruşub, 1993-cü il fevralın 24-də Kasapet uğrunda döyüşdə düşmənin əsas zərbəsini öz üzərinə götürüb, əsgərlərinin mühasirəyə düşməsinə imkan verməyib, təkbaşına düşmənin xeyli canlı qüvvəsini məhv edib və qəhrəmanlıqla həlak olub. 1994-cü ildekabrın 11-də Milli Qəhrəman adına layiq görülüb.

Bakı şəhərində Şəhidlər Xiyabanında dəfn edilib.

/salamnews.org/