12 iyun 2014-cü il tarixində Sumqayıt şəhər İcra Hakimiyyəti və Gənclər və İdman Baş İdarəsinin birgə təşkilatçılığı ilə Heydər Əliyev Mərkəzində şəhərin müxtəlif sahələrini əhatə edən gənclərin iştirakı ilə 15 İyun – Milli Qurtuluş Gününə həsr olunmuş “Qurtuluş Günümüzü əbədiləşdirək!” adlı dəyirmi masa keçirilib.

İcra Hakimiyyəti başçısının müavini Elgin Həbibullayev dünyamiqyaslı dahi şəxsiyyət Heydər Əliyevin xalqa, millətə və dövlətə sədaqətli xidmətə həsr edilmiş həyat yolundan bəhs etmiş, xalqın ən çətin günündə yenidən siyasi hakimiyyətə qayıdaraq milləti məhv olma təhlükəsindən xilas etdiyini qeyd etmişdir. Müasir Azərbaycan gəncliyinin isə Ümummilli Liderin uzaqgörən siyasi kursunun layiqli davamçısı olan cənab Prezidentimiz İlham Əliyevin ətrafında sıx birləşməsinin vacibliyini vurğulayıb.

Sonra tədbir iştirakçıları Heydər Əliyev Mərkəzi tərəfindən hazırlanmış Ulu Öndərin zəngin həyat və fəaliyyətindən bəhs edən filmi seyr etmişlər.

Heydər Əliyev Mərkəzinin direktoru Aygün Zülfüqarlının, Gənclər və İdman Baş İdarəsinin Gənclərlə iş sektorunun müdiri Rüstəm Sadıqzadənin, Yeni Azərbaycan Partiyası şəhər təşkilatının Gənclərlə iş üzrə sədr müavini Elmar Xəlilovun, Sumqayıt Gigiyena və Epidimiologiya Mərkəzinin həkimi Səbinə Təhməzlinin, “Azərkimya” İstehsalat Birliyi Etilen-Polietilen zavodunun sahə rəisi İlqar Qurbanovun, Sumqayıt Dövlət Universitetinin Kimya və Biologiya Fakultəsinin tələbəsi Səma Əsədovanın çıxışlarında Ulu Öndərin xilaskarlıq missiyası, Azərbaycan tarixində əvəzediməz və unudulmaz rolundan konkert faktlar üzrə bəhs edilib.

Sumqayıt şəhər Gənclər və İdman Baş İdarəsi

Gənclərlə iş sektorunun baş məsləhətçisi Ceyhun Hüseynov