Sumqayıtda yeni attraksionlar quraşdırılsa da, illərdir yenilənməyən attraksionlar da qalmaqdadır. Nəsimi adına Mədəniyyət və İstirahət parkında quraşdırılan attraksionların böyük qismi həm uşaq, həm də böyüklərin istifadəsi üçün nəzərdə tutulub.
Park və əyləncə mərkəzlərində olan istismar müddəti bitmiş attraksionların təkrar yoxlamalardan keçirilməsi mütləq aparılmalıdır. Təhlükəsizliklə bağlı sertifakatlar alınandan sonra həmin attraksionların fəaliyyət göstərməsi məqsədəuyğun hesab edilir. Yoxlama zamanı attraksionla bağlı təhlükəli hal varsa, dərhal onun fəaliyyəti dayandırılır. Lakin, Xeberle.com-un əməkdaşının apardığı müşahidələr Sumqayıtda vəziyyətin acınacaqlı olduğunu göstərir. Təəssüf ki, illərdir dəyişdirilməyən attraksionlar hələ də şəhər sakinlərinin istifadəsinə verilib. Bu da hər an bədbəxt hadisənin baş verəcəyini qaçılmaz edir. Düşünürük ki, insanların, xüsusilə də, azyaşlıların təhlükəsizliyi baxımından onların sökülməsi vacib idi.
Görəsən, Sumqayıtda illərdir yenilənməyən attraksionlarda texniki təhlükəsizlik haqqında qanunun və digər normativ hüquqi aktların tələbləri yerinə yetirilibmi?...
Parka balaca qızı Nübarı gətirən Əlif Məmmədov da attraksionların bəzilərinin yenilənməməsindən gileylənib:
"Çoxdandır ki, uşağı parka gətirmirdim. Təəssüf ki, hələ də bəzi attraksionlar illərdir dəyişdirilmir. Onların bu cür vəziyyətdə istifadəsi çox təhlükəlidir. Hər an faciə ilə nəticələnə bilər”
Nəzərinizə çatdıraq ki, parklarda quraşdırılan attraksionlarda qəbz verilmədən xidmət göstərilir.
Mövzunu davam etdirəcəyik.
Elşən Yəhyayev
Xəbərdən istifadə edərkən istinad etmək vacibdir.
