Sumqayıt şəhər Gənclər və İdman Baş İdarəsinin təşkilatçılığı ”Sumqayıt Gənclər Evi”ndə Ümummilli lider Heydər Əliyevin xatirə gününə həsr edilmiş "Memarın olduğu Azərbaycan!” adlı rəsm müsabiqəsi keçirilib. İdarədən Xeberle.com-a verilən məlumata görə, tədbirdə çıxış edən Sumqayıt şəhər Heydər Əliyev Mərkəzinin direktoru Aygün Zülfüqarlı və Baş İdarənin gənclərlə iş sektorunun baş məsləhətçisi Ceyhun Hüseynov Ulu Öndər Heydər Əliyevin gənc nəslə olan diqqət və qayğısından, gənclərin yüksək səviyyədə təhsil almalarında, sosial ehtiyaclarının ödənilməsində, bilik və bacarıqlarının üzə çıxarılmasında, hüquqlarının müdafiəsində, ümumiyyətlə gənclərin hərtərəfli inkişafında olan rolundan danışıblar.

Sonra müsabiqəyə çıxarılan rəsmlərə baxış keçirilib və münsiflər heyətinin qərarı ilə iki yaş qrupu olmaqla I, II və III yerlərin qalibləri müəyyənləşdirilib.

MükafatçılaraBaş İdarənin fəxri fərmanı və hədiyyələri təqdim edilib.