"Şəhərin mikrorayonlarında məhəllədaxili yollara asfalt döşənib. Yaşayış massivlərinin həyətlərində 217 quru ağac kəsilib, 6 minə yaxın ağac əkilib."
Bu sözləri Sumqayıt Mənzil Təsərrüfatı İdarəsinin baş mühəndisi Atəş Məmmədov deyib. A. Məmmədov bildirib ki, son üç ayda 1364 yaşayış binasından 1240-da işıqlandırma sistemi quraşdırılıb, 260 zirzəmi sanitar qaydaya uyğun təmizlənib. 

A.Məmmədov vurğulayıb ki, bu yaxınlarda Prezident İlham Əliyevin Sumqayıtda 100 yaşayış binasının dam örtüklərinin yenilənməsi ilə bağlı imzaladığı Sərəncam sumqayıtlılar tərəfindən böyük sevinc hissi ilə qarşılanıb.(azertac.az)