31 Dekabr - Dünya Azərbaycanlılarının Həmrəylik Günü və Yeni il münasibətilə Sumqayıtda bayram tədbiri keçirilib.
"Qərb" şadlıq sarayında keçirilən bayram tədbirində Sumqayıt şəhər İcra Hakimiyyətinin başçısı Zakir Fərəcov əlamətdar günlər münasibətilə sumqayıtlıları təbrik edərək, regionların sosial-iqtisadi inkişafından, quruculuq və abadlıq işlərinin Sumqayıt şəhərində də sürətlə aparılmasından danışıb. 
Bildirdi ki, gənclər və həmrəylik şəhəri olan Sumqayıt bu gün özünün inkişaf dövrünü yaşayır və son 3 ay ərzində şəhərdə böyük layihələrə imza atılıb.
Sonra Sumqayıtın ictimai-siyasi həyatında fəallıq qrup təhsil, səhiyyə, mədəniyyət işçiləri, həmçinin idmançılar,rəssamlar və sahibkarlar şəhər icra hakimiyyəti başçısının fəxri fərmanları ilə mükafatlandırıldılar.
Bayram şənliyində respublikanın tanınmış incəsənət ustalarının ifasında mahnılar səsləndirilib.
Tədbir iştirakçılarına bayram süfrəsi açılıb.
Sonda  Heydər Əliyevin adını daşıyan parkda atəşfəşanlıq olub.
Xeberle.com