İyulun 18-də ARDNŞ-nin “Azərikimya” İstehsalat Birliyində Yunanıstan Respublikasının ölkəmizdəki səfiri Dimitrios Tsounqas ilə görüş keçirilib.
Qonaqları səmimi salamlayan, Yunanıstanın Azərbaycan üçün iqtisadi tərəfdaş və dost ölkə olduğunu vurğulan «Azərikimya» İstehsalat Birliyinin Müşahidə Şurasının sədri, Milli Məclisin deputatı Muxtar Babayev Azərbaycan neft-kimya sənayesinin inkişaf mərhələlərindən, “Azərikimya”-nın bir çox istehsalat sahələrində aparılan yeniləşmə və rekonstruksiya işləririndən, o cümlədən Karbamid zavodunun tikintisinin vəziyyəti və sənaye zonasında yaradılan Sumqayıt Kimya Sənaye Parkı haqqında ətraflı məlumat vermiş, iki ölkə arasında iqtisadi münasibətlərin genişləndirilməsi istiqamətində son vaxtlar atılan mühüm addımlardan danışıb

Səfir Dimitrios Tsounqas səmimi qəbula görə Birlik rəhbərliyinə minnətdarlığını bildirmiş, Yunanıstan və Azərbaycan Respublikaları arasındakı qarşılıqlı faydlı əməkdaşlıqdan geniş söhbət açaraq, iqtisadi, sənaye, texnologiya, enerji, elm, təhsil, mədəniyyət, turizm, nəqliyyat, gömrük və digər sahələrdə əlaqələrin genişləndirilməsi üçün yeni imkanların yarandığını ifadə edib.
Sonra qonaq “Azərikimya” İB-də yaradılmış Heydər Əliyev güşəsinii ziyarət etmiş, Sumqayıt şəhər stadionuna, “Kimyaçı” poliklinikasına, həmçinin Sumqayıt Təlim, Tədris Mərkəzinə baş çəkərək, şəhərin idman həyatı, kimyaçılara göstərilən tibbi xidmət və gənc ixtisaslı fəhlə kadrların hazırlanmsasının vəziyyəti ilə tanış olub.