Yaşma bağları ərazisində inşa edilən bütün evlər və yardımçı təsərrüfatlar yeni ilin ilk aylarında sökülə bilər. Bu barədə moderator.az-ı etibarlı mənbə məlumatlandırıb. Mənbənin sözlərinə görə, hazırda məlum ərazidəki tikililərin təxminən yarısı sənədsizdir: “Yaşma bağlarında inşa edilən ev və yardımçı təsərrüfatlarınn önəmli bir qisminin sənədi yoxdur. Bu isə o deməkdir ki, söküntü ilə bağlı kampaniyaya start veriləcəyi təqdirdə söküntü sahəsinin radiusu olduqca böyük olacaq”.

Mənbənin bildirdiyinə görə, söküntü xəbərinin qəfil aktuallaşması vətəndaşlar arasında ciddi təlaşa səbəb olub: “Söküntü ilə bağlı məlumatların aktuallaşması vətəndaşları da hərəkətə gətirib və yüzlərlə insan sərəncamındakı əmlakı özəlləşdirmək üçün əlaqədar qurumlara üz tutub. Lakin bu kimi məsələlərdə mövcud olan süründürməçilik və bürokratik əngəllər nəzərə alınarsa, o zaman çox az qisim insanın söküntü prosesinə qədər öz əmlakını özəlləşdirəcəyini ehtimal etmək olar”.