Ramazan
ayı ərzində "Azərikimya” İstehsalat Birliyi bütün illərdə olduğu kimi bu il də
oruc tutan, namaz qılan, Allah-taalanın buyurduğu qayda-qanunlara əməl edən
insanların yanında olmuş, davamlı olaraq şəhərin bir sıra mikrorayonlarında, o
cümlədən 8, 9, 11 və 13-cü mikrorayonlarda iftar süfrələri təşkil etməklə onlara
mənəvi dəstək olduqlarını nümayiş etdirmişdir. "Sumqayıt” Peşəkar Futbol
Klubunun da qoşulduğu bu tədbirlərdə min nəfərə yaxın oruc tutmuş aztəminatlı
ailələrin üzvləri iştirak etmişlər. İftar süfrələrinin təşkilində və insanlara
qulluq göstərilməsində Respublika "Qızıl aypara” Cəmiyyətinin Sumqayıt şəhər
bölməsinin könüllüləri fəal iştirak etmişlər.
Bayram ərəfəsində isə "Azərkimya” İB tərəfindən
Əlil Qadınlar cəmiyyəti Sumqayıt şəhər təşkilatında, Gözdən Əlillər Cəmiyyətinin
Sumqayıt şəhər şöbəsində, Əlillərin Beynəlxalq Əməkdaşlığı uğrunda cəmiyyətində,
Qarabağ Müharibəsi Əlilləri, Veteranları və Şəhid ailələri ictimai birliyində təmsil
olunan, həmçinin Respublika "Qızıl aypara” Cəmiyyətinin Sumqayıt şəhər bölməsində
qeydiyyatda olan 600-dən artıq aztəminatlı ailəyə bayram sovqatı təqdim
olunmuşdur.
"Azərikimya” İstehsalat Birliyi xalqımızı bu müəqqəd
bayram münasibətilə təbrik edir, hər kəsə həyatda uzun ömür, möhkəm can
sağlığı, sevinc və səadət dolu illər, süfrələrinə bol ruzi-bərəkət arzulayır.
Xəbərdən istifadə edərkən istinad etmək vacibdir.
