"AzerGold” Qapalı Səhmdar Cəmiyyətinin nümayəndələri 6 gün Türkiyədə səfərdə olublar.
Şirkətin mətbuat xidmətindən daxil olan məlumatda bildirilir ki, AzerGold QSC-nin nümayəndələri İzmir şəhərində Türkiyə Dağ-mədən Mühəndislər Palatası tərəfindən təşkil edilən VI Beynəlxalq Mədən Avadanlıqları və Texnologiyaları Konqresinə qatılıblar.
QSC nümayəndələri "Mədən, təbii sərvətlər və texnologiyalar” sərgisində iştirak edərək bu sahədə tətbiq edilən ən son yeniliklərlə tanış olublar. Səfər çərçivəsində şirkətin əməkdaşları həmçinin Kışlıdağ filiz emalı sahəsi və Berqama-KOZA mədəninə də baş çəkib, ümumi iş prosesləri ilə tanış olub, təcrübə mübadiləsi aparıblar.

Xəbərdən istifadə edərkən istinad etmək vacibdir.