Sumqayıtda məcburi
köçkün ailələri evlərindən çıxarılır.
Bu barədə Xeberle.com-a Sumqayıt şəhər 20/21-ci mkr ərazisində ev 777-də məskunlaşan Yadulla Cümşüdov məlumat verib. Y. Cümşüdov və 40-a yaxın məcburi köçkün bununla bağlı Azərbaycan Respublikasının Prezidenti İlham Əliyevə müraciət ünvanlayıb.
Müraciəti olduğu kimi təqdim edirik:
Azərbaycan
Respublikasının Prezidenti, Zati aliləri cənab İlham Əliyevə
M Ü R A C İ Ə T
Hörmətli cənab Prezident,
Məcburiyyət
qarşısında qalıb Sizə təcili olaraq son
ümidimiz kimi müraciət edirik.
1993-cü ildən
Qubadlı rayonundan 40-a yaxın məcburi köçkün olaraq Sumqayıt şəhəri 20/21-ci
mikrorayon ev 777-də məskunlaşmışıq. Bir qrup dələduz məmurlar, eyni zamanda
Sumqayitda qanunsuz torpaq alveri ilə məşğul olan Elvin və Elçin Əhmədov
qardaşları və onlara havadarlıq edən Ədliyyə Nazirliyinin yuxarı vəzifəli şəxsləri,
birbaşa Sumqayıt İcra İdarəsinin rəisi Fuad Nəbiyev "cənablarının” təşkilatçılığı
və himayəsi ilə vəzifə səlahiyyətlərini aşaraq, ondan sui-istifadə edərək, erməni
işğalçılarının etdiyi əməlləri təkrarlayaraq 2-ci dəfə biz məcburi köçkünləri
(müharibə veteranlarını) öz torpaqlarımızdan, evimizdən çıxarırlar.
Bizim üçün
həmişə dahi rəhbər olan Ümummilli liderimiz Heydər Əliyev demişdir: "İşğal
olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində
yaşayan vətəndaşların problemləri bizim üçün və şəxsən mənim üçün bir nömrəli
problemdir”.
Cənab Prezident,
Sizdən xahiş edirik ki, haqqımızda keçirilən
silsilə məhkəmələrin qanunsuz və ədalətsiz qətnamələrinin icrasının
dayandırılmasını, prosesə Sizin nəzarətinizlə yenidən araşdılmasına, Ali Məhkəmənin
Plenumuna verdiyimiz şikayət məktubunun icrata qəbul olunmasına və dövlətimizin
bu gərgin dönəmində bizim üçün süni şəkildə yaranmış problemimizin ədalətlə həll
olunmasına köməklik göstərəsiniz.
Hörmətlə:
Cümşüdov Yadulla Fətulla oğlu
və 40-a
yaxın məcburi köçkün
050 349
54 46
050 751
80 85
Qeyd: Qarşı tərəfin də mövqeyini işıqlandırmağa hazırıq.
Xəbərdən istifadə edərkən istinad etmək vacibdir.
