Xeberle.com-a verilən məlumata görə, tədbirdə Rayon İcra Hakimiyyətinin başçısı Malik İsaqov, RİH-nin məsul nümayəndələri, hüquq mühafizə orqanları, idarə müəssisə və təşkilat rəhbərləri, ictimaiyyət nümayəndələri iştirak ediblər.

Ümummilli liderin xatirəsinə həsr edilmiş tədbirdə iştirakçılar Qubadlı rayon İcra hakimiyyətinin foyesində olan Ulu öndərin büstünün önünə gül dəstələri qoyublar.

Sonra tədbir Qubadlı rayon İcra Hakimiyyətinin konfrans zalında davam edib. Tədbirdə Ümummilli lider Heydər Əliyevin xatirəsi bir dəqiqəlik sükutla yad edildikdən sonra "Ulu Öndərin həyatından və siyasi fəaliyyətindən” bəhs olunan videoçarx nümayiş olunub. Elmi-praktiki konfransda çıxış edən Rayon İcra Hakimiyyəti başçısı Malik İsaqov ümummilli lider Heydər Əliyevin fəaliyyətindən, onun müasir Azərbaycan dövlətinin qorunub saxlanması və inkişafındakı rolundan bəhs edib.

Ulu öndərin müasir dövlətçilik tariximizdə quruculuq və xilaskarlıq missiyasından, apardığı daxili və xarici siyasətdən, Azərbaycanın tolerant ölkə kimi dünyada nüfuz qazanmasından, qəbul edilən mütərəqqi qanunlardan, hakimiyyəti illərində gender bərabərliyinin təşəkkül tapmasından, azərbaycançılıq ideologiyasının milli ideologiyaya çevrilməsindən, dünya siyasətçiləri arasındakı reytinqindən, Azərbaycan dilinin, mədəniyyətin, elmin inkişafına verdiyi tövhələrdən danışıb. Bildirilib ki, Azərbaycan xalqının qəlbində əbədiyaşarlıq statusu qazanmış Heydər Əliyevin xatirəsi daima ürəklərdə yaşayacaq.

Qeyd olunub ki, bu gün Prezident İlham Əliyevin ümummilli lider Heydər Əliyevin müəyyənləşdirdiyi strategiya əsasında apardığı siyasət Azərbaycan dövlətini işıqlı gələcəyə doğru aparır. Azərbaycan dövləti bütün sahələr üzrə inamla inkişaf edir və getdikcə möhkəmlənir.