Torpaq sahibi Əliyev Nurəddin Yunis oğlu əraziyə gələrərək bununla bağlı 102 qaynar xəttinə məlumat verib. Daha sonra aidiyyəti qurumlarla əlaqə saxlasa da, ona bu haqda heç bir məlumatlarının olmadığını bildiriblər.

Məsələ ilə əlaqədar olaraq Abşeron rayon İcra Hakimiyyətinin Memarlıq və Tikinti şöbəsi ilə əlaqə saxladıq. Şöbədən bizə bildirildi ki, onlar bu məsələdən xəbərdar deyillər. Əlaqə saxladığımız digər rəsmi orqanın nümayəndəsi, Saray Bələdiyyəsinin sədr müavini Şahlar Məhərrəmov da baş verən hadisədən xəbərdar olmadıqlarını bildirdi.

 Hüquqşünas Ramil Süleymanov bildirdi ki, tikilini məhkəmənin qərarı olmadan sökmək qanunsuzdur: " Burada ilk növbədə həmin torpağın təyinatının nə üçün nəzərdə tutulduğuna baxmaq lazımdır. Saray qəsəbəsində bir sıra torpaqlar var ki, onların təyinatı kənd təsərrüfatı məhsullarının istehsalı üçün nəzərədə tutulub. Vətəndaşlar buna o qədər də əhəmiyyət vermirlər, qeyri- qanuni tikinti aparmağa çalışırlar və çox vaxt da buna nail olurlar. Əgər həmin torpağın təyinatı yaşayış məntəqələri üçün nəzərdə tutulubsa, vətəndaş Tikinti və Şəhərsalma məcəlləsinin tələblərinə uyğun olaraq, xəbərdar etmə funksiyasını daşıyır və o, tikmək istədiyi evin lisenziyası olan , memar tərəfindən təsdiqlənmiş eskiz layihəsini, həmin torpağa dair sənədləri və eyni zamanda müvafiq icra hakimiyyəti orqanının adına müraciət formasını bir yerdə İcra Hakimiyyətinə (İH) gönərməlidir. İH 90 gün ərzində həmin vətəndaşın müraciətinə cavab verir. Bu 90 gün ərzində İH həmin şəxsin müraciətinə razılıq verə və ya imtina edə bilər. Əgər 90 gün müddətində vətəndaşa hər hansı bir cavab verilməzsə, bu, birbaşa razılığa işarədir. Amma praktikada əksər hallarda vətəndaşın müraciətinə imtina olunur. İstənilən halda vətəndaşın borcudur ki, məlumatlandırma funksiyasını həyata keçirsin. Əgər vətəndaş qanunsuz ev tikibsə, bununla bağlı ilk növbədə ona xəbərdarlıq edilməlidir. Eyni zamanda vətəndaşa bildirilməlidir ki, nəyə əsasən bu tikili qanunsuz sayılır. Vətəndaşdan qanunsuz tikilini sökmək tələb olunduğu təqdirdə o, buna əməl etmirsə, bu zaman icra hakimiyyəti orqanı və ya bələdiyyə ( əgər torpaq tikintini aparan şəxsə məxsusdursa) vətəndaşa məktub göndərməlidir. Əgər vətəndaş yenə də tikilini sökmürsə, İH həmin şəxsi aidiyyəti üzrə məhkəməyə verməlidir və məhkəmədən həmin əmlakın sökülməsi ilə bağlı qətnamə almalıdır. Vətəndaşın da ixtiyarı çatır ki, məhkəmə prosesinin getdiyi zamanda əmlakının üzərində müvafiq icra hakimiyyəti orqanının söküntü işlərinin aparmasının qadağan olunması və yaxud belə söküntü işləri gedirsə, dayandırılması ilə bağlı qərardad alsın. Lakin istənilən halda məhkəmənin qərarı olmadan kiminsə mülkiyyətində olan tikilinin sökülməsi qanunsuzdur”.

Qeyd edək ki, şikayətçi Əliyev Nurəddin Yunis oğlu Zəngilan rayonun Ağalı kəndindən məcburi köçkündür.