Azərbaycan Maarifçi Gənclər Təşkilatı oktyabr ayından etibarən Azərbaycan Respublikası Prezidenti yanında Gənclər Fondunun maliyyə dəstəyi ilə "Aprel Döyüşləri – Şanlı Qələbəmizdir” adlı layihə həyata keçirir.

Layihə çərçivəsində 30 dəqiqəlik sənədli film lentə alınıb. Film aprel döyüşlərində həlak olmuş Pəncəli Teymurov, Rəvan Murayev və Ülvin Məmmədov olmaqla 3 şəhidimizdən bəhs edir. Sənədli film 6 saylı məktəb-liseyin şagirdlərinə nümayiş etdirilib. Layihənin yekun tədbiri ilk siniflərini 6 saylı məktəb-liseydə oxumuş Mahir Qədirovun ad günü olduğu üçün 21 dekabr 2017-ci ildə həyata keçirilib. Tədbir Park Bulvar AVM-in Tusi Planetarium zalında baş tutub. Tədbirdə Şəhid Mahir Quliyevin valideynləri və digər şəhid valideynləri iştirak ediblər. 6 saylı məktəb-liseyin müəllim və şagird heyəti Mahir Qədirovun və bütün şəhidlərin xatirəsini 1 dəqiqəlik sükutla yad etdikdən sonra onun barəsində hazırlanmış videoçarxa baxıblar. Daha sonra isə layihə çərçivəsində lentə alınmış "Aprel Döyüşləri –Şanlı Qələbəmizdir” adlı sənədli filmin nümayişi oldu.

Layihənin rəhbəri Ruhiyyə Aslanova sonda Azərbaycan Respublikası Prezidenti yanında Gənclər Fonduna layihənin maliyyə dəstəyinə, 6 saylı-məktəb liseyin kollektivinə layihəyə göstərdiyi marağa, Park Bulvar AVM-nin Tusi Bohm Planetrium zalına görə təşəkkürünü və bütün tədbir iştirakçıları adından Mahir Qədirovun valideynləri qarşısında belə igid oğul yetişdirdikləri üçün baş əydiyini bildirib. Bundan əlavə bütün şəhidlərimiz barədə belə maarifləndirici filmlərin çəkilməsinin vacibliyi vurğulanıb.